Catalwnia: Pleidiau o blaid annibyniaeth yn dewis arweinydd newydd

 


Mae pleidiau gwleidyddol sydd o blaid annibyniaeth i Gatalwnia wedi dewis olynydd i’r arweinydd Artur Mas.

Daeth cadarnhad ddydd Sadwrn eu bod nhw wedi ethol Carles Puigdemont i olynu Mas.

Artur Mas ei hun wnaeth y cyhoeddiad fod Puigdemont wedi’i ddewis.

Yn syth wedi’i benodi, apeliodd llywodraeth Sbaen ar Puigdemont i roi’r gorau i strategaeth o “rannu a rhwygo’r gymdeithas Gatalan”.

Mae llywodraeth Sbaen eisoes wedi dweud bod ymgais pleidiau cenedlaetholgar Sbaen i geisio annibyniaeth yn anghyfansoddiadol.

Mewn datganiad, dywedodd llywodraeth Sbaen: “Gwnewch ymdrech i geisio atebion i broblemau eich trigolion yn hytrach na chreu tensiynau newydd.”

Mae polau piniwn yn awgrymu bod y rhan fwyaf o drigolion Catalwnia o blaid refferendwm annibyniaeth.

Enillodd y pleidiau o blaid annibyniaeth 62 o seddi yn y senedd, ond roedd angen 10 sedd ychwanegol – a chefnogaeth plaid CUP – ar Artur Mas i gael mwyafrif, ond doedden nhw ddim yn fodlon i Mas barhau fel arweinydd.

Puigdemont yw Maer Girona, ac mae ei benodiad yn golygu nad oes rhaid cynnal rhagor o etholiadau.

Dywedodd Mas na fyddai’n troi ei gefn ar wleidyddiaeth yn llwyr, ond ei fod yn ystyried dod yn llysgennad, gan ledaenu’r neges am annibyniaeth ar draws y byd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019