Lockerbie: Plismyn o’r DU yn cael caniatâd i fynd i Libya

Diweddarwyd am  


Gweddillion awyren Pan Am a ffrwydrodd dros Lockerbie
Fe fydd plismyn o Brydain, sy’n ymchwilio i ymosodiad bom Lockerbie, yn ymweld â Libya, fe gyhoeddwyd heddiw.

Mewn cynhadledd i’r wasg yn Tripoli, fe gyhoeddodd David Cameron bod  plismyn o heddlu Dumfries a Galloway wedi cael caniatâd i ymweld â’r wlad.

Mae Cameron wedi bod yn cynnal trafodaethau gyda Phrif Weinidog Libya Ali Zeidan yn ystod ei ymweliad a’r wlad.

Mae disgwyl i’r plismyn deithio i Libya ym mis Mawrth. Dyma fydd y tro cyntaf i’r heddlu gael caniatâd i ymweld â’r wlad fel rhan o’r ymchwiliad.

Bu farw 270 o bobl ar 21 Rhagfyr 1988 pan ffrwydrodd awyren Pan Am wrth hedfan dros Lockerbie. Roedd yr awyren yn teithio o Lundain i Efrog Newydd a bu farw 259 o bobl ar fwrdd yr awyren, ac 11 o drigolion Lockerbie.

Yn 2001 cafwyd Abdelbaset al-Megrahi yn euog o lofruddiaeth dorfol a chafodd ei ddedfrydu i garchar am oes.

Cafodd ei ryddhau wyth mlynedd yn ddiweddarach am ei fod yn dioddef o ganser a bu farw ym mis Mai’r llynedd yn ei gartref yn Tripoli.

Ym mis Rhagfyr y llynedd fe gyhoeddodd Llywodraeth Libya ei fod yn barod i ryddhau’r holl ddogfennau yn ymwneud a’r ymosodiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones