Lladd organydd: Gwobr o £10,000 am wybodaeth

 


Mae gwobr o £10,000 yn cael ei gynnig i geisio dod o hyd i’r rhai a ymosododd  ar organydd wrth iddo fynd i’r eglwys ar noswyl Nadolig.

Bu farw’r pregethwr lleyg Alan Greaves, 68, yn dilyn yr ymosodiad arno yn High Green, Sheffield.

Roedd ar ei ffordd i’r eglwys ger ei gartref pan ymosodwyd arno yn ddidrugaredd. Bu farw o anafiadau difrifol i’w ben dridiau’n ddiweddarach.

Dywedodd Heddlu De Swydd Efrog heddiw bod yr elusen Taclo’r Taclau wedi cynnig gwobr o hyd at £10,000 i geisio dod o hyd i’r person, neu’r rhai oedd yn gyfrifol.

Mae’n ymddangos nad oedd unrhyw gymhelliad am yr ymosodiad, medd yr heddlu.

Fe fydd y wobr yn cael ei roi i unrhyw un  sy’n rhoi gwybodaeth i Taclo’r Taclau a fyddai’n arwain at arestio a dedfrydu’r person neu’r rhai oedd yn gyfrifol am farwolaeth Alan Greaves.

Cafodd dau ddyn eu harestio mewn cysylltiad â marwolaeth Alan Greaves a’u rhyddhau ar fechnïaeth tra bod yr heddlu’n parhau i ymchwilio.

Gall unrhyw un sydd â gwybodaeth ffonio Taclo’r Taclau’n ddienw ar 0800 555111 neu drwy eu gwefan www.crimestoppers-uk.org

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?