Gwahardd hela ‘ddim wedi gweithio’

Diweddarwyd am  


Mae’r Ysgrifennydd Amaethyddol, Jim Paice, wedi honni nad yw’r Ddeddf Hela “wedi gweithio”.

Daw ei sylwadau wrth i gannoedd baratoi i hela llwynogod rhwng y Nadolig a’r flwyddyn newydd.

Dywedodd Jim Paice ei fod o blaid hela gyda chŵn wrth ymweld â Parc Milton yn Peterborough cyn helfa blynyddol Gŵyl San Steffan.

Cytunodd y Ceidwadwyr a’r Democratiaid Rhyddfrydol i gynnal pleidlais ynglŷn â diddymu y gwaharddiad ar hela wrth ffurfio llywodraeth glymblaid San Steffan.

Mae’r Gymdeithas Cefn Gwlad yn rhagweld y bydd 250,000 o bobol yn cwrdd heddiw er mwyn cynnal 300 helfa ledled Ynysoedd Prydain.

“Yn syml iawn, dyw’r ddeddf ddim wedi gweithio,” meddai Jim Paice. “Rydw i’n bersonol o blaid hela gyda chŵn a chynnal pleidlais ar ddiddymu’r ddeddf os oes amser i wneud hynny.”

Dywedodd Prif Weithredwr y Gymdeithas Cefn Gwlad, Alice Barnard, fod hela wedi parhau er gwaetha’r gwaharddiad.

“Mae’n fater o falchder mewn cymunedau cefn gwlad nad yw hela wedi ei effeithio gan ragfarn ac anwybodaeth rhai pobol,” meddai.

“Mae ymweliad y gweinidog yn dangos cefnogaeth y llywodraeth ac rydyn ni’n ei groesawu.”

Dywedodd llefarydd yr wrthblaid ar faterion gwledig, Mary Creagh, nad oes yna “unrhyw le i greulondeb tuag at anifeiliaid mewn cymdeithas wâr”.

“Mae pobol yn pryderu am golli incwm, a cholli swyddi, ond mae’r llywodraeth yma eisiau dod a hela yn ôl!

“Yr unig reswm dydyn nhw ddim wedi cynnal pleidlais ydi eu bod nhw’n gwybod y byddai yn methu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019