Tai cyngor hanner pris ‘ddim yn datrys y broblem’

 


Mae’r Blaid Lafur wedi honni na fyddai caniatáu i bobol brynu tai cyngor am hanner eu gwerth yn datrys yr argyfwng tai.

Mae disgwyl i’r Prif Weinidog, David Cameron, a’r Dirprwy Brif Weinidog, Nick Clegg, ddatgelu strategaeth tai’r Llywodraeth ddydd Llun.

Un o’r cyhoeddiadau tebygol yw y bydd pobol sy’n byw mewn tai cyngor yn cael eu prynu am hyd at 50% o’u gwerth.

Yng Nghymru mae gan gynghorau’r grym i atal pobol rhai prynu eu tai cyngor pan mae yna ddiffyg tai fforddiadwy ar gael.

Byddai’r newidiadau Llywodraeth San Steffan yn caniatáu gwerthu tai cyngor am hyd at £76,000 yn llai na’u gwerth ar y farchnad.

Mae yna hefyd gynlluniau i gynnig morgeisi sy’n 95% o werth y tŷ.

Ond dywedodd llefarydd yr wrthblaid ar dai, Jack Dromey, na fyddai’r newidiadau yn datrys y problemau sylfaenol.

“Fe ddywedodd y Ceidwadwyr eu bod nhw’n bwriadu adeiladu tai. Ond mae llai o dai yn cael eu hadeiladu eleni nag am genhedlaeth. Maen nhw’n methu eu prawf eu hunain ac ni fydd y cyhoeddiadau yma o unrhyw ddefnydd wrth hybu adeiladu tai newydd.”

Cyflwynodd Margaret Thatcher yr hawl i brynu tai cyngor yn yr 80au ond penderfynodd y Blaid Lafur gyfyngu ar yr hawl oherwydd pryderon fod tai cyngor yn mynd yn brin.

Dywedodd llefarydd ar ran Stryd Downing mai “dyfalu yw’r cyfan. Fe fydd y strategaeth tai yn cael ei gyhoeddi r wythnos nesaf”.

Prydain

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed