ASau Ceidwadol yn ymuno yn y galwadau i sgrapio’r ffi i weithwyr tramor ddefnyddio’r GIG

 

Llun: CC0 trwy Pixabay

Mae Aelodau Seneddol Ceidwadol blaenllaw wedi datgan eu cefnogaeth i alwadau’r Blaid Lafur i sgrapio ffioedd mae rhai gweithwyr iechyd o dramor yn gorfod ei dalu i ddefnyddio’r Gwasanaeth Iechyd (GIG).

Mae cyn-is gadeirydd y Blaid Geidwadol Syr Roger Gale wedi rhybuddio’r Prif Weinidog Boris Johnson y byddai methiant i ddiddymu’r ffi yn cael ei ystyried yn “gybyddlyd”.

Yn y cyfamser dywedodd cadeirydd y Pwyllgor Gweinyddol a Materion Cyfansoddiadol, William Wragg, mai “nawr yw’r amser i ddangos haelioni tuag at y rhai sydd wedi gwneud cymaint” dros y  Gwasanaeth Iechyd.

Mae gwleidyddion a gweithwyr gofal iechyd wedi galw ar y Llywodraeth i sgrapio’r ffi mae’n rhaid i weithwyr gofal o du allan i’r Ardal Economaidd Ewropeaidd ei dalu. Y tal ar hyn o bryd yw £400 y flwyddyn ac mae disgwyl i’r gost gynyddu i £624 ym mis Hydref.

Mae’r Blaid Lafur, Plaid Genedlaethol yr Alban (SNP) a’r Coleg Nyrsio Brenhinol (RCN) wedi dweud na ddylai gweithwyr gofal iechyd orfod talu’r ffi a’i fod yn “annheg”.

Dywedodd Syr Keir Starmer, arweinydd y Blaid Lafur: “Ydy’r Prif Weinidog yn credu ei fod yn iawn i weithwyr gofal sy’n dod o dramor ac yn gweithio yn y rheng flaen orfod talu ffi o gannoedd – weithiau miloedd o bunnoedd – er mwyn defnyddio’r GIG ei hunain?”

Ond roedd Boris Johnson wedi gwrthod y galwadau gan ddweud na all y wlad fforddio cael gwared a’r ffioedd o dan yr amgylchiadau presennol. Ychwanegodd bod y cyfraniadau yn helpu i godi tua £900m i’r GIG a’i fod “yn anodd dod o hyd i ffynonellau eraill yn y cyfnod yma.”

Mae Syr Roger Gale wedi cwestiynu’r swm o £900m gan ddweud ei fod wedi gwneud cais i’r Swyddfa Gartref i gael y ffigurau cywir.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn