Coronafeirws: Sainsbury’s am gymryd camau newydd

 

Mae golwg360 wedi gweld e-bost sy’n amlinellu’r camau newydd mae archfarchnad Sainsbury’s yn eu cymryd wrth ymateb i’r coronafeirws.

Mae’r archfarchnad wedi gweld galw uwch nag arfer ar gyfer eitemau, wrth i gwsmeriaid bentyrru stoc yn ystod ymlediad y feirws.

Dywed yr archfarchnad eu bod nhw am stocio rhagor o nwyddau hanfodol ac o ddydd Llun (Mawrth 23), byddan nhw’n ymestyn eu horiau agor o 8yb i 8yh o ddydd Llun i ddydd Sadwrn.

Ddydd Iau diwethaf, fe wnaethon nhw arbrofi gydag awr wedi’i neilltuo ar gyfer pobol oedrannus a bregus gael mynd i siopa ac mae disgwyl i hynny barhau ond fe fydd yn cael ei ymestyn i weithwyr y Gwasanaeth Iechyd a gweithwyr gofal cymdeithasol.

Bob dydd Llun, Mercher a Gwener, bydd awr benodol ar gyfer pobol oedrannus, pobol ag anableddau a phobol fregus, yn ogystal â gweithwyr y Gwasanaeth Iechyd a gweithwyr Gofal Cymdeithasol.

Y cyfan fydd angen ei wneud, meddai’r archfarchnad, yw dangos cerdyn adnabod a bydd staff yn sicrhau bod nwyddau hanfodol ar gael, ac nad yw pobol yn gorfod sefyll yn rhy agos i’w gilydd wrth giwio.

Gwarchod staff

Mae’r archfarchnad hefyd wedi cyhoeddi cyfres o fesurau i warchod eu staff yn ystod cyfnod anodd.

Mae’r rhain yn cynnwys cynnig tâl salwch i’r rhai sy’n sâl neu’n ynysu eu hunain am hyd at 14 diwrnod.

Bydd pobol fregus ac oedrannus sy’n gweithio i’r cwmni hefyd yn cael tâl os bydd rhaid iddyn nhw ynysu eu hunain am hyd at 12 wythnos.

Mae cwsmeriaid yn cael eu hannog i sefyll o leiaf fetr i ffwrdd o’r staff, ac i dalu â cherdyn di-gyswllt yn hytrach nag arian parod.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones