Brexit yn gyrru busnesau i’r Iseldiroedd

Diweddarwyd am  
Fflag yr Iseldiroedd

Fflag yr Iseldiroedd

Llun Wikimedia Commons CCAA 3.0

Mae ansicrwydd dros effaith Brexit yn gwthio mwy a mwy o fusnesau tramor i sefydlu swyddfeydd yn yr Iseldiroedd, yn ôl llywodraeth y wlad.

Ers refferendwm 2016, mae 140 o fusnesau wedi sefydlu presenoldeb yn yr Iseldiroedd, gyda 78 yn symud eu gwaith yno llynedd, yn ôl Asiantaeth Buddsoddiad Tramor yr Iseldiroedd.

Dywed yr asiantaeth bod ansicrwydd ymysg busnesau yn cynyddu oherwydd nad yw dyfodol perthynas fasnach Prydain â’r Undeb Ewropeaidd yn glir eto.

Mae gan San Steffan a Brwsel hyd at ddiwedd y flwyddyn i gytuno ar gytundeb masnach.

Yn ôl yr asiantaeth, maent yn cynnal trafodaethau gydag oddeutu 425 o gwmnïau sy’n ystyried symud neu ehangu i’r Iseldiroedd oherwydd Brexit.

Mae’r cwmnïau yn dod o Brydain, ond hefyd yn cynnwys busnesau o America ac Asia sydd yn ystyried ail-strwythuro eu gweithrediadau yn Ewrop yn sgil Brexit.

“Bydd 2020 yn flwyddyn bwysig i’r busnesau yma,” meddai Jeroen Nijland o Asiantaeth Buddsoddiad Tramor yr Iseldiroedd.

Er bod rhai busnesau yn disgwyl i weld sut fydd perthynas economaidd newydd y Deyrnas Unedig yn edrych, “mae mwy a mwy o fusnesau yn dewis y sicrwydd a’r sefydlogrwydd mae ein gwlad yn ei gynnig yn y farchnad Ewropeaidd,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones