Ymgynghorydd Boris Johnson yn mynd tros sylwadau sarhaus

 

Rhif 10 Downing Street

Llun-Sergeant-Tom-Robinson-RLC-CC-BY-SA-2.0

Mae un o brif ymgynghorwyr Boris Johnson wedi ymddiswyddo yn dilyn sylwadau sarhaus am feichiogrwydd damweiniol a phobol groenddu.

Fe ddaeth ei sylwadau i’r amlwg ar ôl iddo ddweud bod beichiogrwydd damweiniol yn creu “is-ddosbarth cymdeithasol” a bod IQ pobol groenddu yr Unol Daleithiau’n is nag IQ pobol â chroen gwyn.

Cafodd ei feirniadu gan y Ceidwadwyr a’r Blaid Lafur ond mae’n dweud bod yr “hysteria ynghylch fy hen stwff ar-lein yn wallgof”, ac mae’n cyhuddo’r wasg o “ddewis a dethol dyfyniadau” ac o “ladd ar ei gymeriad”.

Roedd hefyd wedi dweud bod manteision cyffur i helpu’r cof “yn werth un crwt yn marw unwaith y flwyddyn”.

Roedd prif weinidog Prydain wedi dod dan bwysau i ddiswyddo Andrew Sabisky, a gafodd ei benodi ar ôl i Dominic Cummings wahodd “misfits” a “weirdos” i ymgeisio am swyddi.

Ond mae Downing Street yn gwrthod gwneud sylw am y penodiad.

Mae Llafur yn dweud bod diffyg ymateb Downing Street i’w sylwadau’n “ffiaidd”, tra bod Nicola Sturgeon, prif weinidog yr Alban, yn galw ar Lywodraeth Prydain i “ddangos gwerthoedd sylfaenol ond hanfodol”.

Fel newyddiadurwr, roedd Boris Johnson yn adnabyddus am ei sylwadau sarhaus am IQ pobol groenddu o’u cymharu â phobol â chroen gwyn, ac mae arbenigwyr geneteg wedi beirniadu ei safbwyntiau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones