Arweinwyr Ewrop yn galw am bwyllo tros Iran

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae’r Prif Weinidog Boris Johnson ynghyd ag Arlywydd Ffrainc, Emmanuel Macron, a Changhellor yr Almaen, Angela Merkel, wedi galw am bwyllo wrth geisio lleddfu’r tensiynau yn y Dwyrain Canol.

Nos Sul (Ionawr 5) roedd y tri arweinydd wedi rhyddhau datganiad yn dweud bod yn rhaid i Iran gydnabod y rôl negyddol mae wedi chwarae yn y rhanbarth ond bod angen gweithredu “ar frys” i fynd i’r afael a’r sefyllfa.

Maen nhw’n galw ar bob un o’r gwledydd i fod yn bwyllog a chyfrifol gan ddweud bod angen i’r trais yn Irac ddod i ben – “mae argyfwng arall yn bygwth blynyddoedd o ymdrech i geisio sefydlogi Irac.”

Ychwanegodd y tri arweinydd yn y datganiad eu bod yn “barod i barhau gyda’n cysylltiad gyda phob ochr er mwyn ceisio lleddfu tensiynau ac adfer sefydlogrwydd yn y rhanbarth.”

Daw hyn yn dilyn yr ymosodiad gan luoedd yr Unol Daleithiau yn Baghdad pan gafodd y Cadfridog Qassem Soleimani, arweinydd ymgyrchoedd milwrol Iran, ei ladd. Mae’r ymosodiad wedi dwysau tensiynau rhwng Washington a Tehran.

Sancsiynau

Mae’r Arlywydd Donald Trump wedi rhybuddio Irac y bydd yn cyflwyno sancsiynau llym os yw lluoedd yr Unol Daleithiau yn gorfod gadael y wlad. Mae 5,000 o filwyr yn parhau i fod yn y wlad.

Mae Donald Trump hefyd wedi dweud y gallai safleoedd diwylliannol Iran gael eu targedu.

Mae Iran wedi dweud y bydd yn dial ar yr Unol Daleithiau wedi’r ymosodiad. Ond mae Ysgrifennydd Gwladol yr Unol Daleithiau Mike Pompeo wedi dweud y gallai eu lluoedd ymosod ar ragor o arweinwyr Iran os ydyn nhw’n dial.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones