Aelod o staff Boris Johnson yn rhegi ar yr awyr

 

Boris Johnson

Llun: Chatham House CC 2.0 ar Flickr

Mae aelod o staff Boris Johnson wedi rhegi’n fyw ar ITV fore heddiw (dydd Mercher, Rhagfyr 11), wrth i newyddiadurwr ofyn am gyfweliad gyda phrif weinidog Prydain.

Roedd e’n llwytho llaeth a sudd ar gefn lori yn Leeds ar ddiwrnod ola’r ymgyrch seneddol cyn yr etholiad cyffredinol pan aeth Jonathan Swain ato a gofyn am sgwrs 

Roedd Piers Morgan a Susanna Reid eisoes ar yr awyr o’r stiwdio.

Pan ddywedodd y gohebydd fod yr adroddiad eisoes yn fyw, roedd modd clywed Rob Oxley yn rhegi.

Mynegodd y cyflwynwyr eu sioc cyn i’r gohebydd rybuddio’r aelod o staff am ei iaith “gan fod pobol yn gwylio hyn y bore ’ma”.

“Wrth gwrs y gwnaf fi,” meddai’r prif weinidog wrth ymateb i’r cais wedyn.

“Bydda’ i gyda chi mewn eiliad.”

Dywedodd Piers Morgan wedyn fod Rob Oxley wedi ffonio’r rhaglen yn cwyno nad oedd e wedi ymosod ar y gohebydd.

Yn ôl y cyflwynydd, roedd Rob Oxley yn “eithriadol o ffiaidd, ymosodol iawn â cheg afiach ac yn wrthun”.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn