Ymosodwr rhyw yn wynebu dedfryd o garchar am oes

 
Carchar

Carchar

Llun: Llywodraeth y Deyrnas Unedig

Mae’r ymosodwr rhyw, Joseph McCann, yn wynebu dedfryd o garchar am oes heddiw (dydd Llun, Rhagfyr 9) am gyfres o ymosodiadau ar  11 o ferched a phlant.

Roedd Joseph McCann, 34, a oedd wedi’i garcharu am dair blynedd am fyrgleriaeth, wedi cael ei ryddhau yn dilyn camgymeriad gan y gwasanaeth prawf, ddeufis cyn iddo gyflawni cyfres o ymosodiadau.

Dros gyfnod o 15 diwrnod ym mis Ebrill a Mai roedd wedi cipio, treisio ac ymosod ar ddioddefwyr rhwng 11 a 71 oed yn Watford, Llundain a gogledd orllewin Lloegr. Cafodd ei arestio ar Fai 6.

Roedd Joseph McCann wedi gwrthod ymddangos ar gyfer yr achos yn yr Old Bailey ac wedi cuddio o dan flanced yn lle rhoi tystiolaeth.

Ddydd Gwener ddiwethaf (Rhagfyr 6) cafwyd Joseph McCann yn euog o 37 o gyhuddiadau yn ymwneud ag 11 o ddioddefwyr gan gynnwys wyth cyhuddiad o dreisio, a chipio.

Cafodd pedwar dyn a dwy ddynes eu harestio ar amheuaeth o helpu Joseph McCann wrth iddo geisio dianc rhag yr heddlu, ac maen nhw wedi’u rhyddhau tra bod yr heddlu’n parhau gyda’u hymchwiliadau.

Mae’r barnwr Mr Ustus Edis yn ystyried rhoi dedfryd o garchar am oes i Joseph McCann heddiw (dydd Llun, Rhagfyr 9).

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones