Annibyniaeth i’r Alban: “parchwch yr egwyddor” meddai Nicola Sturgeon

 
Nicola Sturgeon, Prif Weinidog yr Alban ac arweinydd yr SNPLlun: Kenneth Halley CC SA 4.0 (CC SA 4.0)

Nicola Sturgeon, Prif Weinidog yr Alban ac arweinydd yr SNP

Llun: Kenneth Halley CC SA 4.0

Mae Nicola Sturgeon yn mynnu nad yw hi’n gofyn i Lafur gefnogi ail refferendwm annibyniaeth i’r Alban, ond ei bod hi’n disgwyl iddyn nhw “barchu’r egwyddor”.

Mae’n dweud y gallai Llafur fod yn dibynnu ar gefnogaeth y pleidiau eraill er mwyn sicrhau mwyafrif yn dilyn yr etholiad cyffredinol ddydd Iau (Rhagfyr 12).

Ac mae’n dweud na fyddai’r SNP “fyth” yn gwneud unrhyw beth i agor y drws i Boris Johnson a’r Ceidwadwyr.

Pe bai’r SNP mewn sefyllfa i fargeinio, mae’n dweud y byddai’r hawl i gynnal refferendwm arall yn rhan hanfodol o’r trafodaethau.

‘Dylai pobol yr Alban benderfynu’

“Os yw’r Alban yn pleidleisio dros yr SNP mewn senedd grog, gan roi grym enfawr i’r Alban, yna byddaf yn defnyddio’r hawl yn y lle cyntaf yn unol â lles yr Alban,” meddai.

“Efallai nad yw Llafur yn deall yn iawn yr hyn y byddai angen iddyn nhw ei wneud i gael gweithredu eu polisïau’n llawn.

“Dw i ddim yn gofyn i Lafur gefnogi annibyniaeth i’r Alban.

“Dw i ddim hyd yn oed yn gofyn iddyn nhw gefnogi’r syniad y dylid cynnal refferendwm annibyniaeth arall.

“Dw i’n gwneud cais rhesymol eu bod nhw’n parchu’r egwyddor sef, na ddylai cynnal refferendwm nac amseru’r refferendwm fod yn faterion i San Steffan i’w penderfynu.

“Dylen nhw fod yn faterion i bobol yr Alban yn y Senedd i’w penderfynu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones