Cyfweliad Tywysog Andrew “fel awyren yn taro tancer olew”

 

Tywysog Andrew

Llun: Comin Wicimedia

Mae cyfweliad Tywysog Andrew â’r BBC wedi cael ei ddisgrifio fel “trychineb” ac “fel awyren yn taro tancer olew”.

Yn ystod y cyfweliad, fe geisiodd Dug Caerefrog amddiffyn ei gyfeillgarwch â’r diweddar Jeffrey Epstein, dyn busnes oedd wedi lladd ei hun wrth wynebu cyhuddiadau o fod yn bedoffil.

Ymgais oedd y cyfweliad â Newsnight i dawelu’r mater unwaith ac am byth, ac i wadu bod y tywysog wedi cael rhyw â merch 17 oed.

Ond fe ddywedodd sawl gwaith fod yna “fuddiannau difrifol” i’w cyfeillgarwch, gan gynnwys rhoi cyfleoedd busne iddo.

Mae’n gwadu iddo gael perthynas rywiol â’r ferch a’u bod nhw wedi cael rhyw dair gwaith, gan fynnu nad oedd yr un o’r achosion dan sylw wedi digwydd.

Roedd Virginia Giuffre wedi dweud bod y tywysog yn chwysu’n drwm, ond fe ddywedodd y tywysog nad oedd hynny’n bosib am resymau iechyd.

Dywed y tywysog ei fod e wedi cael cefnogaeth ei deulu ers y dechrau.

‘Trychinebus’

Mae’r cyfweliad yn cael ei ddisgrifio gan arbenigwr cysylltiadau cyhoeddus fel “trychineb”.

“Ro’n i’n disgwyl dinistr trên.

“Awyren oedd hyn yn taro tancer olew, gan achos tswnami, oedd wedi achosi ffrwydrad niwclear,” meddai Charlie Proctor, golygydd gwefan Royal Central.

Ymateb arbenigwr

“Dw i erioed wedi gweld unrhyw beth mor drychinebus,” meddai Mark Borkowski.

“I unrhyw fyfyrwyr cysylltiadau cyhoeddus, dyna sut i beidio ei gwneud hi.

“Roedd fel gwylio dyn mewn traeth gwyllt ac yn anffodus, dw i ddim yn meddwl y byddai unrhyw un wedi ceisio ei achub a’i gael e allan o’r twll.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones