Byddai hollti Prydain “yn fwy anodd o lawer” na Brexit

Diweddarwyd  
Jo Swinson, arweinydd newydd y Democratiaid Rhyddfrydol

Jo Swinson, arweinydd y Democratiaid Rhyddfrydol

Llun oddi ar wefan y Democratiaid Rhyddfrydol

Byddai’r broses o hollti Prydain pe bai’r Alban yn mynd yn wlad annibynnol “yn fwy anodd o lawer na Brexit”, yn ôl Jo Swinson, arweinydd y Democratiaid Rhyddfrydol.

Mae hi’n dweud ei bod hi wedi dysgu hynny yn sgil y broses Brexit yn dilyn y refferendwm yn 2016.

Fe fu’r aelod seneddol dros Ddwyrain Sir Dunbarton yn siarad â gorsaf radio yn yr Alban ar ôl i Nicola Sturgeon, prif weinidog yr Alban, gyhoeddi’r wythnos ddiwethaf y byddai hi’n ceisio ail refferendwm y flwyddyn nesaf.

“Dw i eisiau i’r Deyrnas Unedig aros yn yr Undeb Ewropeaidd, dyna dw i’n gweithio drosto fe a dw i’n credu bod hynny’n dal yn bosibl,” meddai Jo Swinson.

“Dw i’n credu o hyd y gallwn ni wneud hynny a dw i ddim am gefnu ar hynny oherwydd dw i’n credu ein bod ni’n well ein byd gyda’r Alban yn y Deyrnas Unedig a’r Undeb Ewropeaidd.

“A gadewch i ni gofio mai dyna mae’r Alban wedi pleidleisio drosto – pleidleisiodd 55% o blaid gadw’r Alban yn y Deyrnas Unedig, a 62% o blaid cadw’r Deyrnas Unedig yn yr Undeb Ewropeaidd.

“Fi, fwy neu lai, yw’r unig arweinydd yn yr Alban sy’n dadlau dros y safbwynt hwnnw.”

Mae’n dweud bod datod clymau’n “gymhleth ac yn anodd”, ac y byddai “torri i fyny undeb o 300 o flynyddoedd yn fwy anodd o lawer na’r hyn rydyn ni’n ei brofi gyda Brexit”.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones