Dyfodol cwmni camerâu Jessops yn y fantol eto

 

Llun: CC0

Gallai cwmni camerâu Jessops, sydd ag un siop yng Nghymru, fynd i ddwylo’r gweinyddwyr chwe blynedd yn unig ar ôl iddo gael ei achub.

Mae Peter Jones, y beirniad ar raglen Dragon’s Den ac un o fuddsoddwyr y cwmni, yn paratoi i alw’r gweinyddwyr i mewn, gyda phosibilrwydd cryf fod swyddi am gael eu colli yn y 46 o siopau drwy wledydd Prydain.

Mae lle i gredu y bydd gwaith y gweinyddwyr yn canolbwyntio ar wneud toriadau yn y lle cyntaf, a hynny ar safleoedd nad ydyn nhw’n gwneud elw, ac ar leihau’r rhent.

Fe wnaeth y cwmni, sy’n cyflogi oddeutu 500 aelod o staff, golledion cyn treth o £13m yn ystod y flwyddyn hyd at Ebrill 2018.

Cafodd ei brynu gan Peter Jones a buddsoddwyr eraill yn 2013 ar ôl iddo fynd i ddwylo’r gweinyddwyr, cam a arweiniodd at gau 187 o siopau a cholli hyd at 1,500 o swyddi.

Ddeufis yn ddiweddarach, cafodd y cwmni ei sefydlu eto yn dilyn buddsoddiad o £4m, gan gyflogi nifer o gyn-weithwyr y cwmni eto.

Ar y pryd, cystadleuaeth gan gwmnïau ar-lein a chynnydd mewn ffonau symudol oedd yn cael y bai am ei dranc.

Agorodd y cwmni ei siop gyntaf yn 1935.

 

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones