Boris Johnson dan bwysau wrth i ddyddiad Brexit agosáu

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae Boris Johnson dan bwysau i gyfaddawdu wrth i ddyddiad Brexit agosáu.

Fe fydd trafodaethau rhwng swyddogion gwledydd Prydain a’r Undeb Ewropeaidd yn ail-ddechrau ym Mrwsel ddydd Llun (Hydref 14) ond mae’r gobaith o ddod i gytundeb erbyn Hydref 31 yn y fantol.

Y gobaith yw y bydd cytundeb yn barod i’w gymeradwyo gan arweinwyr yr Undeb Ewropeaidd (UE) yn ystod yr uwch-gynhadledd sy’n dechrau ddydd Iau.

Dywedodd prif drafodwr yr UE Michel Barnier bod trafodaethau gyda swyddogion dros y penwythnos wedi bod yn “adeiladol”.

Ond wrth annerch llysgenhadon gwledydd yr UE ddydd Sul ym Mrwsel dywedodd bod “llawer o waith eto i’w wneud”.

Y prif faen tramgwydd o hyd yw’r “backstop” yng Ngogledd Iwerddon.

Mae Boris Johnson hefyd wedi dweud wrth weinidogion bod “llwybr” tuag at dod i gytundeb ond bod “angen gwneud gwaith sylweddol” cyn i hynny ddigwydd.

Fe rybuddiodd ei Gabinet bod angen paratoi o hyd i adael ar Hydref 31 heb gytundeb.

Os na fydd yn gallu dod i gytundeb erbyn y penwythnos fe fydd yn dod o dan bwysau sylweddol i geisio gohirio Brexit ymhellach, rhywbeth mae e eisoes wedi dweud nad yw’n fodlon gwneud.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones