“Ddylai Nicola Sturgeon ddim bod yn y gynhadledd newid hinsawdd”

Diweddarwyd  
Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Llun: Jane Barlow/PA Wire

Mae’r Prif Weinidog Boris Johnson wedi dweud nad yw e eisiau gweld Nicola Sturgeon “ar gyfyl” cynhadledd newid hinsawdd byd eang a fydd yn cael ei chynnal yn Glasgow y flwyddyn nesaf.

Bydd arweinwyr byd yn cyfarfod yn Glasgow ym mis Rhagfyr 2020 i drafod sut i fynd i’r afael a chynhesu byd eang.

Yng nghynhadledd y Blaid Geidwadol ym Manceinion ddydd Sul (Medi 29), dywedodd Boris Johnson na ddylai Prif Weinidog yr Alban gael ei chynnwys yng nghyfarfod UN COP26.

Dywedodd: “Dw i ddim eisiau gweld Nicola Sturgeon ar gyfyl y lle oherwydd nid yr SNP oedd wedi sicrhau’r gynhadledd yn Glasgow, Llywodraeth y Deyrnas Unedig wnaeth.”

Mae Boris Johnson hefyd wedi mynnu bod baner yr undeb yn cael ei gynnwys ym mhob polisi a buddsoddiad mae Llywodraeth Prydain wedi’i wneud yn yr Alban.

Wrth drydar ei hymateb, dywedodd Nicola Sturgeon: “Drwy gefnogi Brexit heb gytundeb trychinebus, mae Toriaid yr Alban yn rhoi gofynion Boris Johnson uwchlaw dymuniadau pobol yr Alban… a oedd wedi pleidleisio yn erbyn unrhyw fath o Brexit.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones