Gohirio’r Senedd: ystyried dwy her yn y Goruchaf Lys

 
Adeilad Neuadd y Ddinas Middlesex sy'n gartref i'r Goruchaf Lys

Adeilad y Goruchaf Lys

Llun: Christine Smith CCA 4.0

Fe fydd y Goruchaf Lys heddiw (dydd Mawrth, Medi 17) yn ystyried pa un a oedd penderfyniad Boris Johnson i ohirio’r Senedd am bum wythnos yn gyfreithlon ai peidio.

Mae disgwyl brwydr gyfreithiol fawr wrth i 11 barnwr glywed dadleuon gan ddwy her ar wahân – un o Loegr a Chymru a’r llall o’r Alban – dros y tri diwrnod nesaf.

Yn ôl y Prif Weinidog, fe benderfynodd ohirio’r Senedd er mwyn galluogi’r Llywodraeth i amlinellu ei hagenda ddeddfwriaethol yn Araith y Frenhines ar Hydref 14.

Ond mae’r rheiny sy’n herio’r penderfyniad hwnnw o’r farn mai atal unrhyw drafodaeth bellach ar Brexit – y mae disgwyl iddo ddigwydd ar Hydref 31 – oedd bwriad y gohirio.

Mae’r Senedd yn San Steffan wedi bod ynghau ers wythnos (Medi 10).

Yr heriau

Yr wythnos ddiwethaf (Medi 11), fe wrthododd yr Uchel Lys yn Llundain her a gyflwynwyd gan y ddynes fusnes a’r ymgyrchydd, Gina Miller, gan ddweud bod y gohirio yn fater gwleidyddol.

Ond ar yr un diwrnod, fe ddaeth barnwr yn y Tŷ Mewnol yn Llys y Sesiwn yng Nghaeredin – llys sifil uchaf yr Alban – i’r casgliad bod penderfyniad Boris Johnson yn anghyfreithlon.

Mae her Gina Miller yn cael ei chefnogi gan y cyn-Brif Weinidog, John Major, y Farwnes Chakrabarti a llywodraethau’r Alban a Chymru.

Grŵp trawsbleidiol o tua 75 o Aelodau Seneddol sy’n gyfrifol am yr her o’r Alban.

Mae Llywodraeth Prydain yn apelio yn erbyn dyfarniad Llys y Sesiwn, tra bo Gina Miller yn apelio yn erbyn dyfarniad yr Uchel Lys.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer