Teulu Nora Quoirin yn cynnig gwobr o £10,000 am wybodaeth

Diweddarwyd am  
Baner Malaysia

Baner Malaysia

Llun: Wicipedia

Mae’r ymdrech yn parhau i chwilio am ferch ifanc o Lundain sydd wedi bod ar goll yn Malaysia ers dros wythnos, gyda’i theulu nawr yn cynnig £10,000 am unrhyw wybodaeth ynglyn a’i diflaniad.

Fe ddiflannodd Nora Quoirin, 15, sydd ag anghenion arbennig, o’i hystafell wely ym mharc gwyliau Dusun yn nhalaith Negeri Sembilan fore dydd Sul (Awst 4).

Ers hynny mae 348 o bobol yn chwilio amdani a chafodd £10,000 o rodd eu rhoi i’r teulu gan fusnes di-enw o Belffast. 

Mae ei mam yn dod o Ogledd Iwerddon, a’i thad o Ffrainc, ac roedd yn teithio ar basbort Gwyddelig, yn ol adroddiadau. 

Mae modryb Nora Quoirin hefyd wedi creu tudalen ar-lein i godi arian, sydd wedi codi dros £90,000, ac mae ail ymgyrch gan ei hewythr wedi codi dros £14,000. 

Dywed ei theulu eu bod nhw’n dal i fod yn obeithiol ar ôl i’r heddlu sy’n ymchwilio i’r achos wrthod diystyru “elfen droseddol”.

Mae’r heddlu bellach wedi dod o hyd i olion bysedd yn y bwthyn lle diflannodd Nora Quoirin, er gwaethaf dweud ynghynt nad oedd unrhyw arwyddion o ddrwgweithredu.

Mae’r Asiantaeth Troseddu Genedlaethol (NCA) a’r Heddlu Metropolitan yn cefnogi heddlu Malaysia gyda’r achos.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones