Carcharu dyn am ladd wyth o bobol, gan gynnwys pum plentyn, mewn tân

 
cyfiawnder

Llun: CCO

Mae dyn a laddodd wyth o bobol, gan gynnwys pump o blant, mewn tân 17 o flynyddoedd yn ôl wedi cael ei garcharu am o leiaf 23 o flynyddoedd.

Bu farw wyth aelod o’r un teulu yn dilyn anghydfod â theulu Shahid Mohammed, 37, oedd wedi ymosod arnyn nhw gyda chymorth nifer o ddynion eraill.

Roedd y teulu’n cysgu yn eu cartref yn Huddersfield pan gafodd bomiau petrol eu taflu at yr adeilad, a chafodd petrol ei arllwys trwy’r drws a’i danio.

Pan aeth nifer o bobol gerbron llys mewn perthynas â’r achos yn 2003, roedd Shahid Mohammed ar ffo ym Mhacistan ar ôl torri amodau ei fechnïaeth.

Cafodd ei estraddodi a’i ddychwelyd i Loegr y llynedd.

Achos llys

Clywodd Llys y Goron Leeds fod Shahid Mohammed wedi bod yn ffraeo â Saud Pervez, cariad ei chwaer, cyn y tân.

Mae lle i gredu mai Mohammed Ateeq-Ur-Rehman, un o’r rhai fu farw, oedd wedi cael ei dargedu gan y tân, gan ei fod e wedi annog y berthynas.

Cafwyd Shahid Mohammed yn euog o wyth achos o lofruddio, ac un achos o gynllwynio i roi eiddo ar dân gyda’r bwriad o beryglu bywydau.

Bu farw Ateeq-Ur-Rehman (18), ei chwaer Nafeesa Aziz (35) a’i phlant Tayyaba Batool (13), Rabina Batool (10), Ateeqa Nawaz, pump, Aneesa Zawaz, dwy, a Najeebah Nawaz, chwe mis oed.

Bu farw Zaib-Un-Nisa, 54 oed a mam-gu’r plant, yn yr ysbyty ar ôl cael ei hanafu wrth neidio drwy ffenest ei chartref yn dilyn y tân yn 2002.

Achos gwreiddiol

Yn dilyn yr achos llys gwreiddiol, cafwyd Shaied Iqbal yn euog o wyth achos o lofruddio, tra bod Shakiel Shazad a Nazar Hussain wedi’u cael yn euog o ddynladdiad.

Cafwyd hyd i Shahid Mohammed yn Rawalpindi ym Mhacistan yn 2015.

Ar ôl bod yn y carchar yn y wlad honno, cafodd ei estraddodi fis Hydref y llynedd er mwyn ei gyhuddo.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones