Nicola Sturgeon yn “pryderu’n fawr” am Boris Johnson mewn grym

Diweddarwyd  
Nicola Sturgeon o flaen darllenfa a dau feic

Nicola Sturgeon

Llun: Vimeo trwy Gomin Wicimedia

Mae Prif Weinidog yr Alban, Nicola Sturgeon, yn honni fod gan ei gwlad yr hawl i benderfynu ei ddyfodol ei hun wrth iddi leisio ei “phryder mawr” am Brif Weinidog newydd gwledydd Prydain.

Ar ôl apwyntiad Boris Johnson heddiw (dydd Mawrth, Gorffennaf 23) fel olynydd Theresa May mae Nicola Sturgeon hefyd yn dweud y byddai’n “gwrthwynebu ei fygythiad o Brexit heb gytundeb.”

Mae hi’n addo “gwneud popeth o fewn ei gallu i sicrhau ei fod yn parchu safbwyntiau’r Alban.”

Dywed bod y posibilrwydd o reolaeth Boris Johnson yn bryderus, gan fynnu y byddai’n “ragrithiol i beidio â bod yn onest am y rhain”.

“Mae’r rhain yn bryderon y byddaf yn sicr fydd yn cael eu rhannu gan y mwyafrif helaeth o bobl yn yr Alban na fyddai, pe baent wedi cael dweud eu dweud, wedi dewis rhoi allweddi Rhif 10 i rywun gyda safbwyntiau fel sydd ganddo. ”

Daw’r sylwadau ar ôl i Ysgrifennydd yr Alban, David Mundell, alw ar y Ceidwadwyr i gefnogi’r Prif Weinidog newydd er mwyn sicrhau bod Brexit yn digwydd, a bod gwledydd Prydain yn aros yn unedig.

Dywed arweinydd Ceidwadwyr yr Alban, Ruth Davidson, oedd yn cefnogi Jeremy Hunt yn yr ymgyrch, bod rhaid i Boris Johnson gadw’r Alban o fewn gwledydd Prydain ac atal Nicola Sturgeon rhag cael ail refferendwm.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer