Brawd hunan-fomiwr Manceinion am bledio’n ddieuog

 
cyfiawnder

Llun: CCO

Mae disgwyl i frawd hunan-fomiwr Arena Manceinion bledio’n ddieuog i gynorthwyo i lofruddio 22 o bobol yn 2017.

Cafodd Hashem Abedi, 22, ei estraddodi o Libya i sefyll ei brawf, ac fe aeth gerbron ynadon Westminster heddiw, wrth i enwau’r meirw gael eu darllen yn uchel.

Mae’n gwadu 22 cyhuddiad o lofruddio, un cyhuddiad o geisio llofruddio nifer o bobol eraill a chyhuddiad arall o gynllwynio i achosi ffrwydradau, ond dydy e ddim wedi cyflwyno ple ffurfiol hyd yn hyn.

Fe wnaeth Salman Abedi ffrwydro fest wrth i bobol adael gig Ariana Grande yn y neuadd, ac fe gafodd 260 o bobol eu hanafu’n ddifrifol.

Clywodd y llys fod hyd at 600 o bobol wedi dweud iddyn nhw gael eu niweidio’n seicolegol gan y digwyddiad.

Cefndir

Fe fu Hashem Abedi yn y carchar ar ei ben ei hun mewn cell yn Libya ers iddo gael ei arestio ddwy flynedd yn ôl.

Clywodd y llys honiadau ei fod e wedi cael ei arteithio a’i orfodi i gyffesu trwy lofnodi dogfen 40 tudalen.

Wnaeth e ddim gwrthod cael ei estraddodi am ei fod e eisiau dychwelyd i wledydd Prydain i fynnu ei fod yn ddieuog, meddai ei gyfreithiwr.

Mae wedi’i gadw yn y ddalfa, ac fe fydd gwrandawiad pellach yn Llys y Goron Rhydychen ddydd Llun (Gorffennaf 22), a gwrandawiad eto fyth yn yr Old Bailey ar Orffennaf 30.

Mae’r cwest i’r marwolaethau wedi’u gohirio am y tro.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones