Buddugoliaeth a record i Lewis Hamilton yn Grand Prix Prydain

 

Lewis Hamilton

Llun: Morio CC4.0 trwy Gomin Wicimedia

Torrodd Lewis Hamilton record wrth ennill Grand Prix Prydain am y chweched tro yn Silverstone heddiw (dydd Sul, Gorffennaf 14).

Mae ei fuddugoliaeth yn mynd â’r Sais y tu hwnt i Alain Prost a Jim Clark, oedd wedi ennill y ras bum gwaith yr un.

Erbyn diwedd y ras, roedd e 25 eiliad ar y blaen i Valtteri Bottas, ei gyd-yrrwr yn nhîm Mercedes.

Dyma’i seithfed buddugoliaeth mewn deg ras eleni, a buddugoliaeth rhif 80 ei yrfa.

Mae ganddo fe flaenoriaeth o 39 o bwyntiau hanner ffordd drwy’r bencampwriaeth, wrth iddo fynd am chweched teitl y byd.

Dyma’i berfformiad gorau erioed yn hanner cynta’r tymor.

Wrth i’r ras ddirwyn i ben ar ôl cyfnod y tu ôl i’r car diogelwch, fe gurodd Lewis Hamilton record y ras ar gyfer y gylchred olaf.

Charles Lerclerc o dîm Ferrari oedd yn y trydydd safle, ond fe allai Max Verstappen fod wedi cipio lle ar y podiwm oni bai bod Sebastian Vettel wedi taro yn ei erbyn a’i wthio ar y trac.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer