Cyfranwyr wedi cael rhybudd am “ddull cyflwyno” Jeremy Kyle cyn recordio

 
Jeremy Kyle yn eistedd gyda gwydr dwr yn ei law

Jeremy Kyle yn ateb beirniadaeth mewn cynhadledd yn 2010

Llun: James Cridland CCA2.0

Roedd gwesteion ar raglen Jeremy Kyle wedi derbyn rhybudd am ei “ddull cyflwyno” cyn recordio’r sioe, yn ôl dogfennau.

Mae Aelodau Seneddol wedi rhyddhau dogfennau sy’n gysylltiedig â’r rhaglen ar drothwy ymddangosiad penaethiaid ITV gerbron panel seneddol.

Mae’r dogfennau yn cynnwys y gyfres o ganllawiau a chwestiynau a gyflwynwyd i westeion cyn ymddangos ar y rhaglen, ac yn nodi’r cymorth sydd ar gael iddyn nhw cyn ac ar ôl recordio.

Ymhlith y cwestiynau mae un sy’n holi a fyddai gwesteion yn gallu delio â’r “sefyllfa waethaf posib” os ydyn nhw’n methu’r prawf adnabod celwydd.

Maen nhw hefyd yn holi’r cyfranwyr a ydyn nhw’n barod i dderbyn na fydd Jeremy Kyle yn cytuno â’u safbwyntiau, ac yn feirniadol ohonyn nhw os yw’n credu eu bod yn anghywir.

Mae’r dogfennau wedyn yn cyfeirio at y gwasanaeth cwnsela sydd ar gael i westeion wedi iddyn nhw ymddangos ar y rhaglen.

The Jeremy Kyle Show – cefndir

Fe benderfynodd ITV roi’r fwyell i’r Jeremy Kyle Show ym mis Mai, yn dilyn marwolaeth un o gyfranwyr y rhaglen, Steve Dymond.

Yn wreiddiol, roedd ITV wedi penderfynu gohirio’r rhaglen dros dro, cyn ufuddhau i alwadau gan wleidyddion a’r cyhoedd i ddod â’r rhaglen i ben yn gyfan gwbl.

Ers hynny, mae’r Pwyllgor Digidol, Diwylliant, Cyfryngau a Chwaraeon (DCMS) wedi bod yn ymchwilio i deledu realaeth.

Penaethiaid ITV yw’r cyntaf i gyflwyno tystiolaeth gerbron y pwyllgor. Ond mae Jeremy Kyle ei hun wedi gwrthod cael ei holi yn rhan o’r ymchwiliad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones