Dynes, 81, yw’r hynaf i seiclo o Land’s End i John O’Groats

 
Mavis Paterson a Heather Curley

Mavis Paterson a Heather Curley Robert MacDonald/Macmillian/PA Wire NOTE TO EDITORS: This handout photo may only be used in for editorial reporting purposes for the contemporaneous illustration of events, things or the people in the image or facts mentioned in the caption. Reuse of the picture may require further permission from the copyright holder.

Llun: Robert MacDonald / Macmillian / PA Wire

Dynes 81 oed yw’r hynaf erioed i seiclo’r holl ffordd o Land’s End i John O’Groats, cyfanswm o 960 o filltiroedd.

Cwblhaodd Mavis Paterson o Stranraer yn yr Alban yr her mewn 23 diwrnod.

Dechreuodd hi’r daith ar Fai 30, a chyrhaeddodd hi ben ei thaith ddoe (dydd Sadwrn, Mehefin 22).

Roedd hi’n seiclo er cof am ei thri phlentyn, fu farw o fewn pedair blynedd o’i gilydd, a phob un yn eu 40au.

Cododd hi fwy na £50,000 at elusen ganser Macmillan wrth gwblhau’r her, er mai £20,000 yn unig oedd ei nod.

Daeth cadarnhad cyn iddi fynd ar ei beic mai hi fyddai’r hynaf erioed i gwblhau’r daith yn llwyddiannus pe bai’n llwyddo i gyrraedd John O’Groats.

Cwblhaodd hi’r her gyda’i ffrind, Heather Curley, sy’n 55 oed.

‘Galar’

Dywed Mavis Paterson mai galar am ei phlant oedd wedi ei gyrru i gwblhau’r her.

Bu farw ei mab Sandy o drawiad ar y galon yn 2012.

Y flwyddyn ganlynol, collodd hi ei merch Katie, oedd wedi bod yn dioddef o niwmonia.

Bu farw ei mab Bob mewn damwain yn 2016.

Bu’n cefnogi elusen Macmillan ers colli ei mam a’i chwaer i ganser.

Y llynedd, seiclodd hi am 24 awr a chyn hynny, seiclodd hi drwy Ganada i godi arian at Macmillan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones