Theresa May yn cyhoeddi amserlen ymadael

Diweddarwyd am  
Donald Trump a Theresa May yn sefyll ochr yn ochr

Cyfarfod rhwng Donald Trump a Theresa May yn 2017

Llun: Parth Cyhoeddus

Mae Theresa May wedi cyhoeddi y bydd hi’n ymddiswyddo fel arweinydd y Blaid Geidwadol ar Fehefin 7, gyda’r ras i ddewis ei holynydd yn cychwyn y diwrnod hwnnw.

Ond nid oes disgwyl iddi roi’r gorau i fod yn Brif Weinidog ar wledydd Prydain tan fis Gorffennaf, yn dilyn ymweliad gan Donald Trump.

Mewn araith ddagreuol y tu allan i Rif 10 Downing Street y bore yma (dydd Gwener, Mai 25), fe ddywedodd y Prif Weinidog ei bod hi wedi “gwneud ei gorau” i geisio sicrhau sêl bendith i’w chytundeb Brexit, ond ei bod hi bellach yn cydnabod iddi fethu.

“Fe fydda i’n difaru am byth na wnes i lwyddo i ddarparu Brexit,” meddai Theresa May.

Wrth gyhoeddi manylion ei hymadawiad, bu Theresa May yn tollti dagrau wrth ddweud mai “anrhydedd mwyaf ei bywyd” oedd cael bod yn Brif Weinidog ar wledydd Prydain.

“Yr ail Brif Weinidog benywaidd”

Ers y cyhoeddiad mae nifer o wleidyddion wedi talu teyrnged i Theresa May, gan gynnwys arweinydd y Ceidwadwyr Cymreig, Paul Davies.

“Ar ran y Ceidwadwyr Cymreig fe hoffwn ddiolch i’r Prif Weinidog am ei hymroddiad a’i hymrwymiad i Gymru dros y blynyddoedd y mae hi wedi bod yn rhan o wleidyddiaeth,” meddai.

“Mae’n dipyn o beth i fod yr ail Brif Weinidog benywaidd, a gamodd i’r swydd mewn cyfnod anodd.

“Mae’n rhaid i’r blaid uno yn awr er mwyn sicrhau’r Brexit mae pobol wedi pleidleisio amdano.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019