WikiLeaks yn annog yr Ysgrifennydd Cartref i atal estraddodi Julian Assange

 
Sajid Javid yr Ysgrifennydd Cartref

Sajid Javid yr Ysgrifennydd Cartref

Llun: O wefan Sajid Javid

Mae WikiLeaks wedi annog yr Ysgrifennydd Cartref Sajid Javid i atal Julian Assange rhag cael ei estraddodi i’r Unol Daleithiau i wynebu cyhuddiadau newydd o ysbio.

Dywedodd y sefydliad bod Sajid Javid “dan bwysau aruthrol i ddiogelu hawliau rhyddid y wasg yng ngwledydd Prydain a llefydd eraill”.

Mae sylfaenydd WikiLeaks, Julian Assange, yn wynebu 18 o gyhuddiadau newydd gan Adran Gyfiawnder yr Unol Daleithiau.

Mae Julian Assange, 47 oed, yn cael ei gadw yn y carchar ar hyn o bryd ac mae’n wynebu cyhuddiadau sy’n ymwneud a’i rôl honedig i gael mynediad at wybodaeth gyfrinachol yn yr Unol Daleithiau.

Mae’r Adran Gyfiawnder yn honni bod Julian Assange wedi “peri risg difrifol i ffynonellau gafodd eu henwi” mewn dogfennau cyfrinachol a gafodd eu cyhoeddi.

Cafodd Julian Assange ei lusgo o lysgenhadaeth Ecwador yn Llundain fis diwethaf, saith mlynedd ar ôl iddo gael lloches wleidyddol yno. Roedd wedi ei garcharu am 50 wythnos am dorri amodau ei fechnïaeth ac mae’n brwydro yn erbyn cael ei estraddodi i’r Unol Daleithiau.

Ar ôl iddo gael ei arestio dywedodd Sajid Javid mai mater i’r llysoedd fyddai penderfynu os oes rheswm cyfreithiol pam na ddylai Julian Assange gael ei estraddodi.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn