Trafodaethau Brexit yn parhau rhwng y Llywodraeth a Llafur

Diweddarwyd  
Jeremy Corbyn yn siarad

Jerremy Corbyn

Llun: Chatham House CC2.0

Fe fydd y trafodaethau Brexit rhwng Llywodraeth Prydain a’r Blaid Lafur yn parhau heddiw (dydd Llun, Ebrill 29).

Daw wrth i’r Ceidwadwyr a Llafur wynebu problemau mewnol ar drothwy’r etholiad Ewropeaidd ym mis Mai.

Mae’r Ceidwadwyr yn pryderu y gallan nhw gael eu cosbi gan bleidleiswyr os nad yw Theresa May yn llwyddo i sicrhau cytundeb Brexit, a hynny tair blynedd ers y refferendwm.

Mae’r etholiad hefyd yn gorfodi’r Blaid Lafur i gadarnhau ei safbwynt ar ail refferendwm, gydag Aelodau Seneddol ac Aelodau Senedd Ewrop yn rhoi pwysau ar yr arweinydd, Jeremy Corbyn, i gefnogi ail bleidlais.

Mae rhai aelodau blaenllaw o’r Blaid Geidwadol yn credu ei bod hi’n dal yn bosib osgoi’r etholiad os yw’r Prif Weinidog yn llwyddo i gael sêl bendith Aelodau Seneddol ar ei chytundeb Brexit.

Ond dyw’r Blaid Lafur ddim yr un mor obeithiol am gyfaddawd, wedi iddyn nhw gyhuddo Theresa May o lynu at ei ‘llinellau coch’ yn y trafodaethau blaenorol ar Brexit.

Dywed ysgrifennydd busnes yr wrthblaid, Rebecca Long-Bailey, ei bod hi’n gobeithio gweld datblygiad yn y trafodaethau yr wythnos hon.

“Ar hyn o bryd, dydyn ni ddim wedi gweld y Llywodraeth yn cefnu ar ei llinellau coch,” meddai. “Rydyn ni’n cael trafodaethau pellach yr wythnos hon, gan obeithio gweld rhyw symudiad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer