Bwyta cig coch “yn gymhedol” yn gallu achosi canser y coluddyn

 
Dwy stecen ffiled o gig carw

Dwy stecen o gig carw

Llun: FotoosVanRobin CCA3.0)

Mae arbenigwyr yn rhybuddio bod hyd yn oed bwyta ham, bacwn a chig coch yn gymhedrol, yn gallu achosi canser y coluddyn.

Yn ôl astudiaeth gan Cancer Research UK, mae pobol sydd yn dilyn argymhellion y Gwasanaeth Iechyd ar gig coch a chig wedi’i phrosesu yn dal i gynyddu’r risg o ganser y coluddyn i gymharu â phobol sydd yn bwyta ychydig.

Er bod cig yn ffynhonnell dda o brotîn, fitaminau a mwynau, dylai pobol dorri lawr ar faint o gig coch neu gig wedi ei brosesu maen nhw’n bwyta ia tua 70g y dydd, meddai’r astudiaeth.

Dywed World Cancer Research Fund hefyd bod tystiolaeth gref fod bwyta cigoedd wedi eu prosesu yn achosi canser y coluddyn, a bod cig coch yn cynyddu’r risg.

Yr astudiaeth

Mae’r astudiaeth newydd yn yr International Journal of Epidemiology wedi ei seilio ar ddata gan 475,581 o bobol rhwng 40 a 69 ac wedi eu dilyn nhw am gyfartaledd o 5.7 o flynyddoedd.

Yn ystod y cyfnod hwn, roedd 2,609 wedi datblygu canser y coluddyn.

Yn ôl yr astudiaeth mae pobol sydd yn cael cyfartaledd o 76g o gig coch a chig wedi’i brosesu’r dydd, a risg 20% yn uwch o gael canser y coluddyn i gymharu â rheiny sydd yn bwyta 21h y dydd.

O ran cig coch yn unig, roedd y risg 15% yn uwch i bobol a oedd yn bwyta 54g y dydd (ar gyfartaledd o gymharu â’r rhai a gafodd 8g y dydd.

O ran cig wedi’i brosesu yn unig, roedd y risg 19% yn uwch ar gyfer y rhai a gafodd 29g y dydd ar gyfartaledd o’i gymharu â’r rhai a gafodd 5g y dydd.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl