Arestio 113 o bobol yn sgil protestiadau newid yn yr hinsawdd yn Llundain

 

Llun: CC0 trwy Commons Wikimedia

Mae rhagor na chant o bobol wedi eu harestio yn dilyn protestiadau yn ninas Llundain ynglŷn â newid yn yr hinsawdd.

Bu ymgyrchwyr yn rhwystro rhai o strydoedd prysuraf Llundain ddoe (dydd Llun, Ebrill 15) wrth iddyn nhw alw ar Lywodraeth Prydain i weithredu dros yr amgylchedd.

Roedd yr heddlu wedi ceisio cyfyngu’r protestiadau i safle yn Marble Arch, ond roedd grwpiau yn dal i ymgasglu o gwmpas Waterloo Bridge a Parliament Square tan oriau mân y bore.

Yn ôl Scotland Yard, mae cyfanswm o 113 o bobol wedi eu harestio mewn cysylltiad â’r protestiadau.

Cafodd y rhan fwyaf ohonyn nhw eu dwyn i’r ddalfa am fethu ag aros yn Marble Arch, medden nhw.

Mae pum person wedyn, sef tri dyn ac un ddynes, yn cael eu hamau o achosi difrod troseddol ar ôl i brotestwyr fandaleiddio pencadlys cwmni Shell.

Dywedodd y grŵp Extinction Rebellion eu bod nhw’n anelu at achosi mwy na £6,000 mewn difrod er mwyn ymddangos gerbron Llys y Goron.

Maen nhw wedi canmol y rhai a gafodd eu harestio, gan eu disgrifio’n “wrthryfelwyr dewr”.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl