Cyhuddo Julian Assange o ysbïo yn Llysgenhadaeth Ecwador

Diweddarwyd am  

Julian Assange

Llun: CC0 trwy Commons Wikimedia

Mae Julian Assange yn cael ei gyhuddo gan Arlywydd Ecwador o ddefnyddio llysgenhadaeth y wlad yn Llundain fel “canolfan ar gyfer ysbïo”.

Mae Lenin Moreno hefyd yn dweud na chafodd unrhyw wlad arall ddylanwad ar y penderfyniad i ddod â lloches sylfaenydd WikiLeaks i ben.

Doedd Julian Assange ddim wedi gadael y safle ers bron i saith mlynedd, oherwydd ei fod yn wynebu cael ei arestio am osgoi’r awdurdodau.

Cafodd y gŵr, 47, ei arestio gan yr Heddlu Metropolitan ddiwedd yr wythnos ddiwethaf (dydd Iau, Ebrill 11), ac mae bellach yn wynebu carchar am osgoi mechnïaeth, yn ogystal â’r posibilrwydd o gael ei estraddodi i’r Unol Daleithiau.

“Fedrwn ni ddim gadael i’n tŷ, y tŷ a agorodd ei ddrysau, i ddod yn ganolfan ar gyfer ysbïo,” meddai’r Arlywydd Lenin Moreno wrth bapur The Guardian.

“Mae’r gweithgaredd yn mynd yn groes i ofynion y lloches. Dyw ein penderfyniad ddim yn un mympwyol, ond yn un sy’n seiliedig ar gyfraith ryngwladol.”

Fe gyfeiriodd yr Arlywydd hefyd at hylendid sâl Julian Assange, gan ategu sylwadau a wnaed gan weinidog cartref Ecwador, Maria Paula Romo, a ddywedodd fod y llocheswr wedi “gosod cachu ar y waliau”.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer