Ymchwiliad yn dechrau i ddamwain hofrennydd yr heddlu yn Glasgow

 

Llun: CC0

Mae ymchwiliad wedi dechrau i ddamwain hofrennydd yr heddlu yn Glasgow pan gafodd 10 o bobol eu lladd.

Bu farw’r peilot, dau aelod o’r criw a saith o gwsmeriaid tafarn y Clutha yn Glasgow pan darodd yr hofrennydd do’r adeilad ar Dachwedd 29 2013.

Fe fu munud o dawelwch ar ddechrau’r ymchwiliad ddydd Llun (Ebrill 8) er cof am y rhai fu farw.

Mae’r ymchwiliad yn cael ei gynnal gerbron y Siryf Craig Turnbull mewn llys dros dro ym Mharc Hampden yn Glasgow.

Fe fydd datganiadau personol am rai o’r rhai fu farw yn cael eu darllen yn ystod yr ymchwiliad.

Pwrpas yr ymchwiliad yw penderfynu ar achos y marwolaethau a cheisio darganfod a fyddai wedi bod modd eu hosgoi. Fe fydd hefyd yn rhoi cyfle i’r Siryf wneud argymhellion a allai osgoi marwolaethau mewn achosion tebyg yn y dyfodol.

Roedd adroddiad y Gangen Ymchwiliadau Damweiniau Awyr (AAIB) a gafodd ei gyhoeddi yn 2015 wedi dod i’r casgliad bod dwy swits oedd yn rheoli’r cyflenwad tanwydd wedi cael eu troi i ffwrdd ac nad oedd y peilot wedi dilyn y canllawiau brys ar ôl cael rhybudd am danwydd.

Mae Swyddfa’r Goron eisoes wedi dweud nad oes digon o dystiolaeth i gynnal achos troseddol.

Fe fydd 57 o bobol yn rhoi tystiolaeth yn ystod yr ymchwiliad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer