Gallai Brexit fethu heb gyfaddawd gyda Llafur, meddai Theresa May

Diweddarwyd am  

Gallai Brexit fethu oni bai bod y Ceidwadwyr yn cyfaddawdu â’r Blaid Lafur, yn ôl Theresa May.

Mae prif weinidog Prydain wedi cael ei chyhuddo hyd yn hyn o fethu â symud oddi wrth ei chynllun gwreiddiol ac o wrthod cyfaddawdu.

Ond mae’n dweud bellach fod lle i gyfaddawdu ynghylch safbwyntiau’r ddwy blaid.

Mae’n dweud y gallai cyfaddawd olygu bod Prydain yn gadael yr Undeb Ewropeaidd o fewn chwe wythnos, ond fod methu â chyfaddawdu’n golygu y gallai Brexit gael ei ganslo’n gyfangwbl.

Mae Jeremy Corbyn, arweinydd Llafur, am weld yr undeb tollau yn rhan o’r cytundeb, ac mae rhai o fewn ei blaid yn awyddus i gael pleidlais sêl bendith ar y cynllun, er bod eraill yn bwriadu gwrthdystio pe bai hynny’n digwydd.

Mae rhai o’r Ceidwadwyr eisoes yn ddig y gallai Brexit gael ei ohirio.

Ymestyn yr ymadawiad

Bydd Theresa May yn teithio i Frwsel ddydd Mercher (Ebrill 10) i ofyn am estyniad tan Fehefin 30.

Gallai’r ymadawiad ddigwydd cyn hynny pe bai cytundeb yn ei le.

Ond mae’r Undeb Ewropeaidd yn ffafrio estyniad hir yn hytrach nag ymestyn fesul dipyn.

Mae Theresa May yn cydnabod na all Prydain adael heb gytundeb bellach, yn dilyn pleidlais yn San Steffan.

“Am fod y Senedd wedi egluro y bydd yn atal y DU rhag gadael heb gytundeb, mae gennym ddewis cadarn erbyn hyn: gadael yr Undeb Ewropeaidd gyda chytundeb neu beidio â gadael o gwbl,” meddai.

“Mae fy ateb i hynny’n eglur: rhaid i ni gyflwyno Brexit ac er mwyn gwneud hynny, rhaid i ni ddod i gytundeb.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl