Philip Hammond yn beirniadu “cynllwyn” i ddisodli Theresa May

Diweddarwyd am  

Philip Hammond, Canghellor y Trysorlys

Llun: Chris McAndrew CC3.0 trwy Commons Wikimedia

Mae Philip Hammond wedi beirniadu Aelodau Seneddol sydd, yn ôl adroddiadau, yn cynllwynio i ddisodli’r Prif Weinidog.

Dywedodd y Canghellor na fyddai cael gwared a Theresa May yn “datrys y broblem”, er gwaetha’r feirniadaeth lem sydd wedi bod o’r modd mae hi wedi delio gyda phroses Brexit a galwadau gan aelodau o’i phlaid i gamu o’r neilltu.

Fe ddaeth sylwadau Philip Hammond ar raglen Sky News Sophy Ridge On Sunday wrth iddo ymateb i adroddiadau yn y papurau newydd fod ymgais ar y gweill i gael gwared a’r Prif Weinidog.

“Rhwystredig”

Serch hynny, roedd wedi cydnabod bod “pobl yn teimlo’n rhwystredig ac yn awyddus iawn i ddod o hyd i ffordd ymlaen” yn y pythefnos sydd ar ôl i ddatrys y mater.

“Fyddai newid y Prif Weinidog ddim yn ein helpu ni, na newid y blaid sydd mewn Llywodraeth: mae’n rhaid i ni fynd i’r afael a’r cwestiwn o sut fath o Brexit sy’n dderbyniol i’r Senedd.”

Fe ychwanegodd y byddai’r Senedd yn cael y cyfle i bleidleisio ar gynlluniau amgen i gytundeb Brexit Theresa May yr wythnos hon ond dywedodd nad oedd penderfyniad wedi cael ei wneud a fyddai Ceidwadwyr yn cael pleidlais rydd ar y mater.

Ac ar ol i filoedd o bobol orymdeithio i’r Senedd ddydd Sadwrn (Mawrth 23) yn galw am “Bleidlais y Bobol” dywedodd Philip Hammond bod cynnal ail refferendwm “yn rhywbeth sy’n haeddu cael ei ystyried ynghyd a chynigion eraill.”

Yn y cyfamser mae dirprwy Theresa May, David Lidington wedi wfftio awgrymiadau ei fod yn barod i gamu i’r adwy, ac mae cyn-arweinydd y Ceidwadwyr Iain Duncan Smith wedi beirniadu gweinidogion y Cabinet sydd, yn ol pob tebyg, wedi bod yn cynllwynio yn erbyn Theresa May, gan ddweud y dylen nhw ymddiheuro a “chadw’n dawel”.

Ac fe rybuddiodd yr Ysgrifennydd Brexit Steve Barclay bod yna risg y byddai’n rhaid cynnal etholiad cyffredinol petai Aelodau Seneddol yn cymryd rheolaeth o’r broses.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer