Tŷ’r Cyffredin am bleidleisio tros ymestyn Erthygl 50

 
Baner Jac yr Undeb gyda'r gair Brexit drosti

Llun: CC0

Bydd Aelodau Seneddol yn pleidleisio yn ddiweddarach tros ohirio ymadawiad y Deyrnas Unedig o’r Undeb Ewropeaidd.

Yn ôl Llywodraeth y Deyrnas Unedig, mi allai Brexit gael ei ohirio am gyfnod byr, neu am gyfnod hir, yn dibynnu ar gamau nesaf Tŷ’r Cyffredin.

Os bydd Aelodau Seneddol yn cytuno i ymestyn Erthygl 50 ar dydd Iau (Mawrth 14), ac yn cydsynio i gytundeb Theresa May erbyn Mawrth 20, mae disgwyl gohiriad byr.

Ar y llaw arall, os bydd cynrychiolwyr yn galw am ymestyniad ond yn parhau i wrthod cytundeb y Prif Weinidog, byddai’n rhaid gohirio tan Fehefin 30.

“Dw i ddim yn credu mai dyna fyddai’r canlyniad orau,” meddai Theresa May. “Ond mae’n rhaid i’r Tŷ wynebu goblygiadau ei benderfyniadau.”

Y bleidlais gyntaf

Dyma fydd y drydedd bleidlais fawr ar Brexit yr wythnos hon.

Ar dydd Mawrth (Mawrth 12) pleidleisiodd Tŷ’r Cyffredin yn erbyn dêl y Prif Weinidog, ac ar dydd Mercher (Mawrth 13) pleidleisiodd y siambr tros wrthod Brexit heb fargen.

Hefyd, mewn ail bleidlais y ddoe, fe fethodd gwelliant gan Lywodraeth y Deyrnas Unedig a fyddai wedi cadw Brexit heb fargen yn opsiwn.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl