“Rhaid i Jeremy Corbyn fynd ymhellach” ar fater gwrth-Semitiaeth

Diweddarwyd am  
Jeremy Corbyn gyda meic yn areithio

Jeremy Corbyn

Llun: paulnew CC 2.0 trwy Gomin Wicimedia

Mae aelod seneddol Llafur blaenllaw yn dweud bod angen i’r blaid “fynd ymhellach” wrth ymateb i’r honiadau o wrth-Semitiaeth.

Daw sylwadau Jon Ashworth wrth ymateb i farn Tony Blair, cyn-Brif Weinidog Prydain, nad yw Jeremy Corbyn wedi bod yn ddigon “cadarn” ei ymateb i’r helynt.

Mae e hefyd wedi amddiffyn Luciana Berger, yr aelod seneddol Llafur sy’n wynebu pleidlais o ddiffyg hyder yn sgil ei sylwadau hithau ar y mater.

“Wrth gwrs y dylem ddileu gwrth-Semitiaeth o’r Blaid Lafur,” meddai Jon Ashworth wrth Sky News.

“Rydym i fod yn blaid wleidyddol flaengar, sut allwn ni ddweud ein bod yn derbyn rhyw lefel o wrth-Semitiaeth o fewn y blaid?

“A fyddem yn dweud yn fwy cyffredinol ei bod yn dderbyniol cael lefel o hiliaeth o fewn y Blaid Lafur? Wrth gwrs na fyddem ni.”

Ymateb

“Mae’r ffaith fod rhywun fel Luciana Berger – sy’n aelod seneddol deallus, galluog a gweithgar sy’n gwneud ei gorau dros ei hetholwyr – yn destun pleidlais o ddiffyg hyder gyda’r math yma o honiadau’n cylchdroi yn destun cywilydd i’r Blaid Lafur,” meddai Tony Blair.

“Mae un person gwrth-Semitaidd yn y Blaid Lafur yn un yn ormod,” meddai Jon Ashworth.

Dywed fod y blaid yn “gwneud cynnydd” wrth geisio datrys y sefyllfa, ond fod angen “mynd ymhellach ac yn gyflymach”.

Diffyg hyder yn Luciana Berger

Trefnodd cangen Lerpwl Wavertree o’r Blaid Lafur gyfarfod arbennig i drafod dwy bleidlais o ddiffyg hyder yn Luciana Berger.

Roedd hi wedi’i chyhuddo o “ddefnyddio’r cyfryngau’n gyson i feirniadu’r dyn yr ydym oll am iddo fod yn Brif Weinidog” am fod yn wrth-Semitaidd.

Ond cafodd y cyfarfod ei ganslo yn dilyn honiadau ei bod hi’n cael ei “bwlio” – honiadau sy’n cael eu gwadu gan y gangen leol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed