Dewis o ail refferendwm ‘yn dal yn rhan o bolisi Llafur’

 

Jeremy Corbyn

Llun: Comin Wicimedia CC0

Mae Jeremy Corbyn wedi awgrymu y gallai Llafur ddal i gefnogi ail refferendwm ar Brexit os bydd Theresa May yn gwrthod ei gynllun ar gyfer gadael yr Undeb Ewropeaidd.

Roedd wedi tramgwyddo llawer o’i ASau Llafur gwrth-Brexit wrth gynnig amodau ar gyfer ystyried cefnogi cytundeb ar Brexit mewn llythyr at Theresa May.

Ymysg yr hyn roedd yn galw amdano oedd aros mewn undeb tollau parhaol, cadw cysylltiad agos â’r farchnad sengl a mesurau penodol i ddiogelu hawliau gweithwyr.

Mewn araith yn Coventry heddiw, dywedodd Jeremy Corbyn fod y dewis o bleidlais gyhoeddus yn dal ar y bwrdd, a bod polisi Llafur yn dal yr un fath â’r hyn gafodd ei benderfynu yn y gynhadledd.

“Gallai cynllun Llafur ennill cefnogaeth y Senedd a dod â’r wlad at ei gilydd, ond mae Theresa May wedi dewis llwybr rhaniadau,” meddai.

“Os na all hi fabwysiadu cytundeb synhwyrol er mwyn osgoi hollti’r Torïaid, yna mae’r ateb yn eithaf syml: rhaid cael etholiad cyffredinol.

“Heb etholiad byddwn yn cadw pob dewis ar y bwrdd – fel y cafodd ei gytuno yn ein cynnig yn y gynhadledd – gan gynnwys y dewis o bleidlais gyhoeddus.”

Dywedodd fod yn rhaid i’r Prif Weinidog roi’r gorau i’w “llinellau coch dinistriol”:

“All y wlad ddim cael ei llusgo dros y clogwyn er mwyn undod y blaid Dorïaidd,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer