Llafur yn “debygol iawn” o gefnogi gohirio Brexit os na fydd cytundeb

 
Wyneb John McDonnell

John McDonnell

Llun: Rwendland CCA4.0 Rhyngwladol

Mae’r Blaid Lafur yn “debygol iawn” o gefnogi cynllun i ohirio Brexit os na fydd cytundeb yn ei le erbyn diwedd mis nesaf, yn ôl John McDonnell, canghellor yr wrthblaid.

Mae’n dweud bod bil trawsbleidiol “synhwyrol” yn nodi hynny wedi’i gefnogi gan Yvette Cooper (Llafur) a Nick Boles (Ceidwadwyr).

Ac mae George Osborne, y cyn-Ganghellor, yn dweud mai gohirio Brexit yw’r “opsiwn mwyaf tebygol” ar hyn o bryd, wrth i’r Bil alw am oedi gweithredu Erthygl 50.

“Mae Yvette Cooper wedi cyflwyno gwelliant sydd, dw i’n meddwl, yn synhwyrol,” meddai John McDonnell wrth raglen Newsnight y BBC.

“Mae’n dweud wrth y Llywodraeth, “Rydych chi wedi rhedeg y cloc i lawr gymaint fel ei bod yn edrych fel pe baech chi’n methu cael cytundeb erbyn Chwefror 26”… Wedyn, bydd angen i’r Llywodraeth gyflwyno cynigion i ymestyn hynny.

“Felly dw i’n credu ei fod yn gynyddol debygol eisoes y bydd angen i ni gymryd yr opsiwn hwnnw oherwydd bod y Llywodraeth wedi rhedeg y cloc i lawr.”

Fe fydd angen ymgynghori â chefnogwyr y Blaid Lafur cyn gwneud penderfyniad ar eu polisi, meddai.

‘Dryll wedi’i ddal wrth ben economi Prydain’

Mae George Osborne, yn y cyfamser, yn dweud bod sefyllfa dim cytundeb yn golygu bod “dryll wedi’i ddal wrth ben economi Prydain”.

Ac mae’n dweud y bydd angen cynnal ail refferendwm os nad yw’n bosib dod i gytundeb ar delerau Brexit.

Mae nifer o gwmnïau, gan gynnwys Dyson a llongau P&O, yn dweud eu bod yn paratoi i symud eu pencadlys allan o wledydd Prydain.

Bydd pleidlais ar nifer o welliannau i’r Bil Brexit ddydd Mawrth nesaf (Ionawr 29).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer