Dwysáu ymdrechion i rwystro Brexit di-gytundeb

 

Palas San Steffan

Llun: Commons Wikimedia CC0

Mae Aelodau Seneddol blaenllaw, yn rhai Llafur a Thorïaidd, yn bwriadu dwysáu eu hymdrechion i rwystro Brexit di-gytundeb.

Mewn cyfres o welliannau i fesurau seneddol, y cynllun yw gorfodi’r Prif Weinidog Theresa May i ymestyn neu ganslo Erthygl 50 os bydd rhagolygon o adael yr Undeb Ewropeaidd heb gytundeb.

Dechreuodd yr ymdrechion ddoe wrth i grŵp o ASau amlwg o dan arweiniad Yvette Cooper, gyflwyno gwelliant newydd i’r mesur cyllid i beidio â chaniatáu gadael heb gytundeb onibai bod ASau’n pleidleisio dros hynny.

“Mae risgiau i economi a diogelwch Prydain yn llawer rhy uchel a byddai’n anghyfrifol gadael i Brexit di-gytundeb ddigwydd,” meddai Yvette Cooper, cadeirydd y pwyllgor dethol materion cartref.

Ymysg y rhai sydd wedi arwyddo’r gwelliant, mae’r Tori Nicky Morgan, cadeirydd pwyllgor y Trysorlys, yr AS Llafur Hilary Benn, cadeirydd y pwyllgor Brexit, y cyn-weinidogion Torïaidd Oliver Letwin a Nick Boles, a chyn-ddirprwy arweinydd Llafur, Harriet Harman.

Gwahaniaeth barn yn y cabinet

Yn y cyfamser, fe ddaeth i’r amlwg fod gwahaniaethau barn sylfaenol ymhlith gweinidogion y cabinet ynghylch beth ddylai ddigwydd os bydd cytundeb Theresa May yn cael ei wrthod.

Mae’r Ysgrifennydd Cyfiawnder David Gauke, wedi dweud na allai aros mewn llywodraeth a fyddai’n symud ymlaen â Brexit di-gytundeb.

Mae’r ysgrifennydd gwaith a phensiynau, Amber Rudd, hefyd wedi awgrymu y gallai fod dadl ddilys dros ail refferendwm os na fydd y senedd yn gallu cytuno.

Ar y llaw arall, mae eraill, gan gynnwys yr Ysgrifennydd Tramor Jeremy Hunt, yr Ysgrifennydd Datblygu Rhyngwladol Penny Mordaunt, ac Arweinydd y Tŷ, Andrea Leadsom wedi awgrymu cefnogaeth i’r syniad o Brexit di-gytundeb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer