Charles yn Aber yn “tynnu sylw’r byd at sefyllfa’r Gymraeg”

Diweddarwyd am  

Tywysog Charles yn dysgu Cymraeg yn labordy iaith Prifysgol Cymru Aberystwyth

Llun oddi ar wefan Tywysog Charles

Fe gafodd y Dr E G (Tedi) Millward ei ddisgrifio gan bapurau Lloegr mewn ffyrdd difyr iawn, yn ystod y tymor y treuliodd yn ceisio dysgu Tywysog Charles i siarad Cymraeg ym Mhrifysgol Aberystwyth rhwng y Pasg a’r haf yn 1969.

Roedd, yn ôl y wasg bryd hynny, ‘a dedicated Welsh nationalist’; ‘a passionate Welsh nationalist’; ac ‘a leading light in Plaid Cymru’ – y dyn a oedd newydd dreulio dwy flynedd yn Is-Lywydd ar y blaid, ac a oedd eisoes wedi sefyll fel ymgeisydd drosti yng Ngheredigion.

“Wnes i deimlo’r ddyletswydd i wneud y gwaith,” meddai E G Millward, sydd bellach yn 88 oed ac yn ateb cwestiynau golwg360 trwy ei ferch, Llio Millward, a gyda chymorth darnau o’i hunangofiant, Taith Rhyw Gymro.

“Nid yn unig o ran cyflawni fy swydd fel darlithydd, ond hefyd fel hyrwyddwr yr iaith Gymraeg. Cafodd cyfnod y Tywysog yn Aberystwyth sylw helaeth ym mhapurau Cymru a Lloegr.

“Fy mwriad oedd dangos ei bod yn bosibl dysgu cryn dipyn o Gymraeg mewn byr amser a’i bod yn werth ei ddysgu, ac fe ddefnyddiais y cyfnod hefyd i dynnu sylw’r wasg a’r byd ehangach at sefyllfa’r iaith Gymraeg ac at y frwydr i’w chadw yn fyw ac yn iach.”

Ac o feddwl am y disgrifiadau ohono yn y papurau dyddiol, mae’n cydnabod eu bod yn deitlau “na fyddai erioed wedi cael eu rhoi ar genedlaetholwr o Gymro yn y cyfnod hwnnw” oni bai am y cysylltiad â Charles, ei ddisgybl enwog.

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed