Y DUP yn beirniadu Theresa May

 
Baner Jac yr Undeb gyda'r gair Brexit drosti

Llun: CC0

Cynyddu mae’r pwysau ar Theresa May wedi iddi gael ei beirniadu’n hallt gan y Blaid Ddemocrataidd Unoliaethol (DUP).

Mewn llythyr at arweinydd y DUP, Arlene Foster, mae’r Prif Weinidog wedi amlinellu ei gobeithion am gynllun wrth gefn ar gyfer ffin Iwerddon, yn dilyn Brexit.

Yn y llythyr, a ddaeth i law The Times, mae Theresa May yn dweud yr hoffai weld y Deyrnas Unedig oll yn cydymffurfio â rheolau Ewrop am gyfnod – petasai’r trafodaethau Brexit yn methu.

Byddai hynny yn atal creu ffin galed rhwng Gweriniaeth Iwerddon a Gogledd Iwerddon, ac yn sicrhau masnach ddi-rwystr rhwng y ddwy wlad.

Yn ei llythyr mae Theresa May hefyd yn nodi bod Ewrop am weld cynllun arall yn cael ei rhoi wrth gefn, a fyddai’n gorfodi Gogledd Iwerddon yn unig i gydymffurfio â’u rheolau.

Beirniadaeth

Bellach, mae wedi dod i’r amlwg bod Arlene Foster, Arweinydd y DUP, wedi dehongli’r llythyr fel cadarnhad y gallai’r Deyrnas Unedig dderbyn cynllun wrth gefn Ewrop.

Felly mae wedi ymosod ar ei chyd-unoliaethwr.

“Mae llythyr y Prif Weinidog yn sicr o bryderu pobol sy’n gwerthfawrogi ein hundeb werthfawr, a phobol sydd eisiau Brexit go-iawn,” meddai.

“Mae’n ymddangos bod y Prif Weinidog wedi ymrwymo i’r syniad o osod ffin drwy Fôr Iwerddon, gyda Gogledd Iwerddon yn rhan o gyfundrefn yr Undeb Ewropeaidd.”

Gan nad oes gan y Ceidwadwyr fwyafrif digonol yn San Steffan, mae Theresa May yn ddibynnol ar gefnogaeth deg Aelod Seneddol y DUP.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed