BBC: ystyried symud mwy o staff ac adnoddau y tu hwnt i Lundain

Diweddarwyd am  

Tony Hall

Llun: BBC

Mae’r BBC yn bwriadu symud mwy o’i staff ac adnoddau y tu hwnt i Lundain, yn ôl y Cyfarwyddwr Cyffredinol.

Mae disgwyl i’r Arglwydd Tony Hall son am yr heriau sy’n wynebu’r BBC a darlledu cyhoeddus mewn araith i’r Gymdeithas Deledu Frenhinol (RTS) ddydd Mawrth.

Fe fydd yn awgrymu pa gamau sydd angen i’r BBC eu cymryd yn wyneb pwysau sylweddol gan wasanaethau fel Netflix ac Amazon, a’r her o fynd i’r afael a newyddion ffug.

Un o’r newidiadau sy’n cael eu hystyried gan y gorfforaeth yw adleoli adnoddau y tu allan i Lundain er mwyn creu presenoldeb ehangach yn Lloegr a thu hwnt.

Fe fydd yn dweud: “Er gwaetha’r heriau, mae gen i hyder aruthrol yn y BBC a’i dyfodol. Ry’n ni’n gwybod y gallwn  ni wneud mwy dros Brydain.

“Buddsoddi mewn cynnwys sy’n cefnogi’r economi greadigol. Gwasanaethau ar-lein heb eu hail. Mwy ar gyfer plant a phobl ifanc. Ymddiriedaeth a chywirdeb mewn newyddion. Mwy y tu allan i Lundain.”

Fe gyhoeddodd y BBC yn 2004 ei bod yn symud rhannau helaeth o’i gwasanaeth i Salford a dywed Tony Hall ei fod yn awyddus i adeiladu ar y gwersi o ddatganoli’r gorfforaeth. Y gobaith yw y bydd yn rhoi hwb economaidd, meddai.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed