Cyn-gynghorydd UKIP yn euog o lofruddio’i wraig

 

Mae cyn-gynghorydd UKIP wedi’i gael yn euog o lofruddio’i wraig ar ôl iddo fod yn cael perthynas â phartner eu mab.

Fe allai Stephen Searle gael ei garcharu am oes am ladd Anne Searle â chyllell, er ei fod wedi dadlau ei fod yn ceisio amddiffyn ei hun.

Fe gymerodd hi lai na thair awr a hanner i’r rheithgor yn Llys y Goron Ipswich ei gael yn euog o lofruddiaeth, ac fe ddywedodd y barnwr fod ei berthynas odinebus “ryw ffordd neu’r llall” wedi cyfrannu at farwolaeth ei wraig.

Clywodd y llys fod Stephen Searle wedi tagu ei wraig gan ddefnyddio dull a ddysgodd yn y lluoedd arfog.

Cefndir

Clywodd y llys fod priodas Stephen Searle a’i wraig dan straen ar ôl iddi ddarganfod fis Mehefin y llynedd ei fod e wedi cael perthynas ag Anastasia Pomiateeva, partner eu mab Gary a mab i o leiaf un o’u hwyrion.

Ffoniodd Stephen Searle 999 ar Ragfyr 30, gan ddweud, “Dw i wedi lladd fy ngwraig.”

Aeth yr heddlu i’w cartref funudau’n ddiweddarach, a chael hyd i gorff Anne Searle.

Dywedodd yr erlyniad fod y cwpl wedi ffraeo y noson honno a bod Stephen Searle wedi tagu ei wraig. Cafodd hynny ei gefnogi gan archwiliad post-mortem.

Clywodd y llys y byddai hi wedi bod yn anymwybodol o fewn 15 eiliad, ac y byddai wedi cymryd rhai munudau o wasgedd ar ei gwddf i’w lladd.

Roedd y cwpwl yn briod am 45 o flynyddoedd, ac roedd ganddyn nhw dri mab.

Fe fydd Stephen Searle yn cael ei ddedfrydu ddydd Mercher.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed