Ymosodiad ar gartref Gerry Adams

 

Gerry Adams

Llun: Sinn Fein CC 2.0 trwy Commons Wikimedia

Mae dyfeisiadau ffrwydrol wedi cael eu taflu at gartrefi Gerry Adams ac aelod blaenllaw arall o Sinn Fein.

Fe wnaed difrod sylweddol i gerbyd y tu allan i dŷ Gerry Adams, ond dywed cyn-arweinydd Sinn Fein na chafodd neb eu hanafu.

Dywed Heddlu Gogledd Iwerddon, y PSNI, fod swyddogion “yn delio â dau ddigwyddiad mewn dau eiddo gwahanol yng ngorllewin Belfast”.

Er nad yw’r heddlu wedi priodoli cyfrifoldeb ar neb, mae’n debygol fod yr ymosodiadau’n waith gweriniaethwyr sy’n gwrthwynebu’r broses heddwch yng Ngogledd Iwerddon.

Mae Sinn Fein yn diystyru’r grwpiau hyn fel gangiau o droseddwyr sy’n cymryd arnynt eu bod yn weriniaethwyr.

Fe ddigwyddodd yr ymosodiadau yng ngorllewin Belfast neithiwr ar ôl chwe noson o ddigwyddiadau treisgar yng nghymdogaeth Bogside o Derry.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?