BBC yn dweud “Ta-ta” wrth stiwdios Maida Vale

 

Stiwdios Maida Vale

Llun: David Dixon CC SA 2.0 trwy Gomin Wicimedia

Mae’r BBC yn gadael eu stiwdios enwog yn Maida Vale, er mwyn symud i fewn i ddatblygiad newydd yn nwyrain Llundain.

Ymhlith yr enwau mawr sydd wedi recordio yno y mae’r Beatles, Beyonce, David Bowie a Jimi Hendrix.

Fe gafodd yr adeilad yng ngorllewin Llundain ei godi’n wreiddiol yn 1909, yn gartref i glwb sglefrolio, cyn dod yn gartref i Gerddorfa Symffoni y BBC yn y 1930au.

Fe fu hefyd yn gartref i raglenni Peel Sessions y diweddar droellwr disgiau, John Peel ar Radio 1, ac yno y cafodd cerddoriaeth agoriadol rhaglen Doctor Who ei recordio’n wreiddiol.

Mae Cyfarwyddwr Cyffredinol y BBC, Tony Hall, wedi dweud mewn nodyn at aelodau staff y Gorfforaeth: “Dw i’n deall faint mae ein hanes cerddorol yn Maida Vale yn ei olygu i ni ac i’n cynllueidfaoedd.

“Dydyn ni ddim wedi gwneud y penderfyniad hwn yn ysgafn,” meddai wedyn. “Rydyn ni’n benderfynol ein bod eisiau gwneud yn siwr fod cerddoriaeth fyw yn rhan ganolog o’r BBC, ac fe fydd symud i ganol datblygiad newydd yn rhoi’r cyfle i ni wneud hynny.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed