Marks & Spencer i gau dros 100 o siopau erbyn 2022

 

Mae’r cwmni archfarchnad, Marks & Spencer, wedi cyhoeddi heddiw (dydd Mawrth, Mai 22) y byddan nhw’n cau dros 100 o’i siopau erbyn 2022, a hynny mewn ymgais i arbed arian.

Mi fydd y cam hwn yn rhoi miloedd o swyddi yn y fantol, ac mae’r cwmni eisoes wedi enwi 14 o’r siopau a fydd yn cau o fewn y pum mlynedd nesaf – gan ychwanegu at y 21 sydd wedi cau’n barod ers 2016.

Mae pob un o’r 14 siop yn Lloegr, ac fe fydd eu cau yn effeithio cyfanswm o 872 o weithwyr.

Problemau Marks & Spencer

Mae’r penderfyniad i gau cymaint o siopau o ganlyniad i gynllun pum mlynedd cadeirydd Marks & Spencer, Archie Norman, a’r prif weithredwr, Steve Rowe.

Bwriad y cynllun yw cau siopau a chanolfannau dosbarthu mewn ymgais i arbed arian, a hynny wrth i’r cwmni ddioddef o golledion ariannol.

Daw’r cyhoeddiad heddiw ddiwrnod cyn y bydd Marks & Spencer yn cyhoeddi eu hadroddiad ariannol blynyddol, gyda disgwyl i hwnnw ddangos rhagor o golledion i elw’r cwmni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones