Addo iawndal i fewnfudwyr Windrush

 
Theresa May

Theresa May

Llun: Jette Carr (CC0)

Mae’r Prif Weinidog Theresa May wedi addo taliadau iawndal i genhedlaeth Windrush – sef y mewnfudwyr o wledydd y Gymanwlad sydd wedi dioddef yn sgil diffyg prawf o’u hawliau preswyl.

Dywedodd llefarydd ar ran rhif 10 Downing Street y bydd manylion y cynllun iawndal yn cael ei gyhoeddi’n fuan gan y Swyddfa Gartref.

Mae disgwyl y bydd y taliadau’n mynd y tu hwnt i ad-dalu biliau cyfreithiol ac y byddan nhw’n cynnwys cydnabyddiaeth o’r gofid a achoswyd i bobl o’r Gymanwlad sy’n byw ym Mhrydain ers blynyddoedd maith.

Daeth hwb pellach i’w gobeithion ar ôl i’r Archifdy Cenedlaethol yn Llundain gadarnhau bod ganddyn nhw gofnodion glanio miloedd o fewnfudwyr a ddaeth i Brydain ddegawdau’n ôl.

Cafodd manylion llawn teithwyr ar longau i Brydain eu cofnodi gan y Bwrdd Masnach rhwng 1878 ac 1960.

Roedd y Swyddfa Gartref wedi dinistrio miloedd o gardiau glanio mewnfudwyr cyfnod Windrush yn 2009, ac o’r herwydd mae llawer o’r mewnfudwyr hyn yn ei chael hi’n anodd profi bod ganddyn nhw hawl i fyw ym Mhrydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed