Neges Twitter cyn-AS bron â chwalu achos llys chwaraewyr rygbi

Diweddarwyd am  
cyfiawnder

Llun: CCO

Fe fu bron i sylwadau gan gyn-Aelod Seneddol yng Ngogledd Iwerddon chwalu achos llys dau chwaraewr rygbi a gafwyd yn ddieuog o dreisio yn ddiweddarach.

Cafodd y sylwadau eu gwneud gan Naomi Long toc cyn i’r rheithgor ddechrau ystyried eu dyfarniad yn achos Stuart Olding a Paddy Jackson. Roedd y ddau wedi’u cyhuddo o dreisio dynes, a Paddy Jackson hefyd wedi’i gyhuddo o ymosod yn rhywiol.

Roedd sylwadau Naomi Long, cyn-Aelod Seneddol yr Alliance yng Ngogledd Iwerddon, yn ymwneud â sylwadau cyfreithiwr Stuart Olding wrth iddo grynhoi ei ddadleuon.

Roedd wedi cyfeirio at “ferched dosbarth canol” yn ei sylwadau, oedd wedi arwain at gwestiynau am bwysigrwydd i ba ddosbarth cymdeithasol roedd y ferch a wnaeth y cyhuddiadau yn perthyn.

Wrth ymateb i’r sylwadau, dywedodd Naomi Long: “Merched dosbarth canol? Beth? Oherwydd fyddai ‘merched dosbarth gweithiol’ ddim yn poeni/fod dim ots amdanyn nhw/yn meddwl bod treisio yn normal? Beth yw goblygiadau’r sylw hwnnw i fod? Gwarthus ar bob lefel.”

Cafodd y sylw ei ail-drydar 36 o weithiau a’i hoffi 277 o weithiau.

Dadleuon cyfreithwyr

Fe lwyddodd y cyfreithiwr ar ran y diffynnydd i ddadlau bod perygl i’r sylwadau ddylanwadu’n annheg ar y rheithgor gan eu bod nhw’n dod gan rywun â statws anghyffredin o uchel yn y wlad.

Dywedodd fod ganddi “ddim cyswllt amlwg” â’r achos a’i bod yn “amhriodol” iddi wneud sylwadau cyhoeddus cyn i’r achos ddod i ben.

Fe alwodd wedyn ar i’r achos ddod i ben, ond fe aeth yn ei flaen cyn i’r ddau chwaraewr gael eu canfod yn ddieuog. Ond fe gafodd y ffrae ei galw gan yr erlynydd yn “storm mewn cwpan de”.

Cafwyd dau o ddynion eraill yn ddieuog o’r cyhuddiadau o ddinoethi a gwyrdroi cwrs cyfiawnder yn ystod yr achos.

Mae galwadau bellach ar i lysoedd atal unrhyw fanylion am achosion llys rhag cael eu cyhoeddi cyn y dyfarniad, ac ar i’r rhai sy’n cael eu cyhuddo gael aros yn ddienw tan ar ôl yr achos.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed