Cwmni amaethyddol wedi’i roi yn nwylo’r gweinyddwyr

Diweddarwyd  

Llun: CCO

Mae’r cwmni amaethyddol, Countrywide Farmers, wedi mynd i’r wal ac mae bellach yn nwylo’r gweinyddwyr.

Mae’r cwmni, sydd â’i brif bencadlys yn Evesham yn Swydd Gaerwrangon, yn un o’r prif gwmnïau gwerthu nwyddau amaethyddol yn y Deyrnas Unedig, ac yn cyflogi mwy na 700 o bobol mewn 48 o ganolfannau gwerthu.

Fe gafodd ei gyhoeddi ddoe bod y cwmni wedi’i roi yn nwylo’r gweinyddwyr, gyda’i benaethiaid yn dweud ei bod nhw’n”gofidio am y dyfodol ansicr” y mae’r cwmni yn ei wynebu.

Dirywiad Countrywide Farmers

Roedd y cwmni wedi cyhoeddi cynlluniau ar gyfer gwerthu fis Ebrill y llynedd, ond wnaeth y ddêl o werthu i Mole Valley Farmers Ltd syrthio trwodd ym mis Hydref.

Ond yr wythnos ddiwethaf, fe gyhoeddwyd y byddai rhan y cwmni sy’n arbenigo mewn gwerthu tanwydd yn cael ei werthu. Er hyn, wedi i’r bwriad o werthu’r ochr gwerthu nwyddau i Mole Valley fethu unwaith yn rhagor, fe gyhoeddodd yr Awdurdod Cystadleuaeth a Marchnadoedd (CMA) y byddan nhw’n cynnal ymchwiliad i’r mater.

Nawr, mae rheolwyr Countrywide Farmers wedi dweud eu bod nhw am roi’r cwmni yn nwylo’r gweinyddwyr, gan gredu y bydd yr ymchwiliad yn para am o leiaf chwe mis – cyfnod na all y cwmni ei “fforddio”.

Canolfannau Cymru

Mae gan Countrywide Farmers bedair canolfan yng Nghymru – yng Nghaerfyrddin, Castell-nedd, Caerdydd a’r Fenni.

Ond mae’r cmwni wedi gweld dirywiad yng Nghymru dros y deng mlynedd ddiwethaf, wrth iddyn nhw wynebu cystadleuaeth yn y farchnad oddi wrth y cwmni Cymreig, Wynnstay, sydd bellach â 19 o ganolfannau ledled Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?